रोहित चन्द इन्डोनेसियाको उत्कृष्ट खेलाडीमा मनोनयन

काठमाडौं – नेपाली फुटबल खेलाडी रोहित चन्द इन्डोनेसियाको शीर्ष श्रेणीको फुटबल लिगमा उत्कृष्ट खेलाडीको मनोनयनमा परेका छन् ।

इन्डोनेसियाको फुटबल क्लब पर्सिजा जाकार्ताबाट खेल्दै आएका रोहित यो सिजनको उत्कृष्ट फुटबलरका लागि सार्वजनिक गरिएको उत्कृष्ट तीन खेलाडीको मनोनयनमा परेका हुन् ।

मिडफिल्डर रोहितसँगै अरु दुई खेलाडीलाई पनि उक्त अवार्डका लागि मनोनीत गरिएको छ ।

रोहितले यो सिजन पर्सिजाका लागि ३० खेल खेल्दै ३ गोल गरेका छन् ।
इन्डोनिसियाको ‘लिग वान’मा अब सबै टिमले एक एक खेल खेल्न बाँकी रहँदा रोहितको टिम ५९ अंकसहित अंकतालिकाको शीर्ष स्थानमा छ ।

Got Something To Say: