१० औँ गणतन्त्र दिवश विभिन्न कार्यक्रम गरि मनाइदै

काठमाडौं – विगत १० बर्ष बाट मनाइदै आएको गणतन्त्र दिवस आज पनि मनाइदैछ ।

२०६५ सालमा संविधानसभाको पहिलो बैठकबाट स्थापित गणतन्त्र आजदेखि १० वर्ष पूरा भएर ११ औं वर्षमा प्रवेश गरेको अवसरमा यो दिवश मनाइएको हो ।

यस अवसरमा देशभर विभिन्न कार्यक्रम गरिँदै छन् ।

२०६२र०६३ सालमा भएको जनआन्दोलनले मुलुकमा शताब्दीऔं लामो राजतन्त्रलाई समूल अन्त्य गर्दै मुलुकमा गणतन्त्र स्थापना गरेको थियो ।

२०६४ सालको चैत्रमा सम्पन्न संविधानसभा निर्वाचन र त्यसपछि बसेको संविधानसभाको पहिलो बैठकले देशलाई संघीय लोकतान्त्रिक गणतन्त्र घोषणा गरेको थियो ।

यो घोषणासँगै राजतन्त्रका अन्तिम उत्तराधिकारी राजा ज्ञानेन्द्र शाहले नारायणहीटीबाट बिदा लिनु भएको थियो ।

यद्यपि, पहिलो संविधानसभाले मुलुक संघीय गणतन्त्रमा लगे पनि संविधान बनाउन भने फेरि २०७२ सालमा दोस्रो संविधानसभाको निर्वाचन गर्नु परेको थियो ।

दोस्रो संविधानसभाले बनाएको संविधान अहिले कार्यान्वयनमा क्रममा छ ।

संविधान कार्यान्वयनकै क्रममा भएका तीन तहका निर्वाचनपछि मुलुकको राजनीतिक संक्रमणकाल सकिएको छ ।

स्थिर सरकार गठन भएसँगै मुलुक अहिले आर्थिक समृद्धिको दिशामा अघि बढ्दै गएको छ ।

गणतन्त्र स्थापना भएका १० वर्षपछि मुलुकमा परिवर्तनका संकेतहरु देखिन थालेका छन् ।

जनतामा नयाँ आशा र आकांक्षा पलाएका छन् ।

तर देश विकर्शित कहिले सम्ममा हुने हो त्यो भने हेर्न बाँकि छ ।

Got Something To Say: